| كلام عالماشي |
|
I believe there's a hero in all of us, that keeps us honest, gives us strength, makes us noble, and finally allows us to die with pride, even though sometimes we have to be steady, and give up the thing we want the most. Even our dreams.
انا اعتقد ان هناك بطل داخل كل فرد منا , هو الذي يبقينا شرفاء , يقوينا في الازمات , و في النهاية يجعلنا نموت فاخرين بانفسنا. و احيانا يجب ان نستعد لنتخلى عن احب الاشياء لدينا , حتى احلامنا. انظر بداخلك , و اذا لم تجد عملا يستحق ان يوصفك بالبطل , فانت لم تولد بعد |
|
|
لا إله إلا أنت سبحانك إني كنت من الظالمين
قال تعالى : (مَا يَلْفِظُ مِنْ قَوْلٍ إِلا لَدَيْهِ رَقِيبٌ عَتِيدٌ) ق/ 18 .
من سيخالف القوانين لو مرة واحدة سيتم حظره من الشات نهائيا
قوانين الشات و المشاركة في المواضيع
|
|
|
|
|
|||||||
| التسجيل | التعليمـــات | التقويم | Arcade | البحث | مشاركات اليوم | اجعل كافة الأقسام مقروءة |
 الإهداءات |
 |
|
|
 |
أدوات الموضوع |
06-02-2010, 07:15 PM
|
رقم المشاركة : 1 | ||||||||||
|
ألوان استايل لحوائط بيتك
 اهتمامنا بألوان الحوائط عادة يبدأ عند الزواج والتجهيز للبيت الجديد أو عندما نجدد في البيت.. وفي الحالتين بيكون نفسنا نختار ألوان مناسبة لاستايل البيت وتكون بتعبّر عنا.. وعلشان كده لقيت الحوار دا مع مصممة الديكور "مي عصمت" اللي هتقول فيه نصايح وخطوات تساعدك في اختيار الألوان المناسبة للطلاء.. وإزاي تحققي توازن وتناسق بين ألوان الفَرش والأرضيات والأثاث الموجود في كل غرفة... وكان دا الحوار ...... هل استايل الأثاث إذا كان مودرن أو كلاسيك بيأثر في اختيار ألوان الحوائط؟! أكيد طبعاً.. لأن ألوان الحوائط لازم تكون مرتبطة بالشكل العام للمنزل والأثاث الموجود فيه، فمثلا إذا كان الأثاث مودرن يُفضل إن ألوان الحائط تكون بسيطة وبدون تفاصيل كثيرة، والمودرن بشكل عام بيعتمد على الألوان الزاهية "المطرقعة" زي الأزرق والنبيتي والبنفسجي وغيرها، أما لو الأثاث اللي موجود في البيت كلاسيكي ممكن تستخدمي معاه الألوان الترابية زي البيج بدرجاته المختلفة أو الأبيض أو الذهبي. ممكن تقولي لنا إزاي نقدر نختار ألوان الحوائط؛ بحيث تكون مناسبة لألوان المفروشات؟! دي حاجة بسيطة أوي، يعني إذا كانت المفروشات فيها نقوش كتيرة وفيها أكثر من لون بنختار أقل درجة لونية موجودة فيه ونستخدمها كلون للحائط، وطبعا لون الحائط هيكون سادة من غير أي رسومات أو ألوان كتير علشان شكل الغرفة يكون مريح للعين. أما لو المفروشات كانت سادة ممكن نستخدم نقوشات أو رسومات على الحائط أو ندخل لونين في بعض، زي إن الحائط مثلاً يكون مقلم بلونين. طيب بالنسبة للمساحة إزاي ممكن تأثر في اختيار اللون؟! مساحة المكان دي أول حاجة لازم ناخد بالنا منها أثناء اختيار ألوان الحائط؛ يعني لو المساحة صغيرة لازم نختار ألوان فاتحة؛ لأنها بتخلي المكان واسع، أما لو مساحة الغرفة كبيرة فبتكون مساحة الاختيارات في الألوان أوسع؛ لأنك ممكن تستخدمي ألوان غامقة أو فاتحة حسب ذوقك. هل كل غرفة في البيت لها ألوان مناسبة لها؟! أه طبعاً.. لأن كل مكان في البيت وله ألوانه اللي بتكون مناسبة معاه وطبيعة كل غرفة هي اللي بتفرض الألوان دي فمثلا.. غرفة النوم ودي طبعاً ألوانها لازم تكون هادية وبسيطة ومريحة للعين زي اللون الروز والأوف وايت واللبني. غرفة المعيشة دي ألوانها لازم تكون زاهية ومن لون الفرش اللي موجود فيها. غرفة المكتب الغرفة دي دايماً بنحاول نختار لها ألوان معتدلة إلى حد ما علشان تساعد على التركيز زي البني بدرجاته المختلفة أو الأبيض، ومش مطلوب إن يكون فيها تفاصيل كتيرة. غرفة الأطفال ألوانها لازم تكون جذابة وزاهية وتعمل شعور بالبهجة، ومستحب جداً استخدام رسومات على الحائط في غرفة الأطفال. هل في ألوان معينة يُفضل إننا ما نستعملهاش بكثرة أثناء اختيار الألوان؟! يُفضل إننا نبعد عن اختيار الألوان النارية زي (الأحمر والأورانج) خصوصاً في الغرف اللي بنقضي فيها وقت طويل زي غرفة المعيشة؛ لأن الألوان دي بتثير الأعصاب وبتساعد على التوتر. طيب بالنسبة للمطبخ واللي معظم البنات بتحتار وهي بتختار ألوان الحوائط بتاعته؟! المطبخ الشرقي بالذات بيستهلك بشكل كبير وبيتعرّض للدهون والأبخرة اللي بتأثر على ألوان الحائط؛ علشان كده الألوان الخاصة بالمطبخ سواء كان الحائط من السيراميك أو عادي لازم الألوان تكون غامقة، علشان تستحمل البقع، ونحاول نبعد عن الألوان الفاتحة؛ لأن أي بقعة بسيطة بتبان فيها. ساعات كتير بنختار لون معين، لكن بعد الانتهاء من دهان الحائط بنلاقي إن اللون مختلف عن الدرجة اللي اخترناها في الحالة دي ممكن نتصرّف إزاي؟ كتير بيحصل معانا الموقف ده؛ بسبب إن بيكون فيه اختلاف بين الألوان اللي بنختارها من الكتالوج، ولما تتنفذ على الحائط، ممكن تستخدمي إكسسوار في الحائط زي تابلوه مثلاً ويكون فيه الدرجة اللي عايزاها، أو تستخدمي رسومات على الحائط وده هيغير شكلها تماماً وهيديها شكل جديد. طيب هل اختيار ألوان الطلاء ممكن يُؤثر في توزيع الإضاءة في البيت؟! أكيد طبعاً.. فمثلاً الألوان الغامقة زي الأسود والبنفسجي والبني بتحتاج لإضاءة قوية؛ علشان تكون ظاهرة، أما الألوان الفاتحة مش بتحتاج غير إضاءة عادية. ممكن نستخدم أكثر من لون في غرفة واحدة؟! أنا مش بافضل استخدام أكتر من لون للحائط في غرفة واحدة؛ لأنه بيعمل زحمة في المجال البصري وبيتعب العين، ولو ضروري نستخدم أكتر من لون فنحاول إن الفرش تكون ألوانه سادة. إيه هي موضة ألوان الحوائط في 2010؟! الألوان الموضة دلوقتي بالنسبة للحوائط هي اللافندر أو الرمادي المائل للبنفسجي، كمان اللون الأبيض رجع موضة تاني وخصوصاً لو استخدمناه مع اللون الأسود؛ لأنهم بيعملوا ميكس حلو جداً مع بعضهم. ومن الألوان الموضة كمان البني الغامق والبنفسجي والفيروزي. أما اللون النبيتي فهو موضة طول الوقت وبيليق على استايلات وألوان الأثاث المختلفة. الكرانيش اللي بتكون موجودة في الحائط لسه موضة ولا لأ؟ استخدام الكرانيش في الحائط مش موضة دلوقتي، والبديل لها هو عمل رسومات فنية ملوّنة على الحائط وعلى السقف. طيب بالنسبة لورق الحائط؟! ورق الحائط اللي كان بيستخدم زمان مش موضة دلوقتي والبديل له هو الاستيكرز بأشكال ورسومات مختلفة.
|
||||||||||
|
|
|
|
07-03-2010, 02:21 AM
|
رقم المشاركة : 2 | |||||||||
|
اكيد الوان الحائط لازم تتناسق مع شكل الاوضه والالوان اللي هتكون فيها والاثاث ايضا
شكرا ليكي علي الافاده
|
|||||||||
|
|
|
|
14-04-2010, 12:18 AM
|
رقم المشاركة : 3 | |||||||||
|
 
|
|||||||||
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
